السيسي : عايزين فيلم زي "الممر " كل 6 شهور

أشاد الرئيس عبد الفتاح السيسي، بأداء أبطال فيلم الممر، قائلا أمام الندوة التثقيفية 31 للقوات المسلحة : "بشكركم وبقولكم إن الفيلم كان رسالة جميلة جدا، والأداء اللى كل من شارك كان اداء يعكس روح مصرية بتتكلم حتى لو كان بيتكلم باسم غير مصرى " أضاف الرئيس : سواء القصة وهى حقيقية وآداؤكم اللى انتوا عكستم بيه كل شرائح المجتمع المصرى فى الوقت ده، وروح المصريين تجاه بلدهم وصلتوها لينا كلنا، وللشباب اللى مشفش ده وعاشوه، أتصور التأثر الكبير اللى حصل انتوا عيشتوهم الفترة دى "
اقرأ أيضا : النائب العام يحيل قتلة " شهيد الشهامة " بالمنوفية للمحاكمة أمام "الجنايات "
وتابع السيسي : "أتصور للمخرجين والمنتجين إن التجربة قابلة للتكرار كثيرا، وشوفتم حالة الالتفاف مش للجيش والشعب بس للدولة كمان حالة الالتفاف حول مصر، محتاجين فى ظل اللى بتشوفوه والتحديات فى المنطقة ومحاولة سلب وعقول وآمال شعوبنا إنه يكون فيه على الأقل كل 6 شهور فيلم زى كده يفكر الناس ويسعدها، اللى انتوا بينتوه فى الفيلم كان فعلا كده فيه ناس مستعدة زى الصعيدى اللى كان بيقول أوريهم إن أنا واقف". وأكمل الرئيس: "ده رمز لشجاعة المصرى إنه لا يتخاذل أمام التحدى وأى تحدى والرسالة جميلة وأشكركم باسمى واسم المصريين وإن شاء الله يبقى فيه فيلم تانى وثالث ..محتاجين كثيرا هذه النوعية من الأفلام مستقبلا..أشكركم "